ოჯახის სიწმინდის დღისადმი მიძღვნილი მსვლელობის მონაწილეები თავისუფლების მოედანზე დიუშენის კუნთოვანი დისტროფიით დაავადებულ ბავშვებსა და მათ მშობლებს შეხვდნენ.

ბავშვების მშობლებმა დიდი ბანერი გაშალეს წარწერით: „ოჯახი ჩვენი საფუძველია, ბავშვები ჩვენი მომავალი. ერთად გადავარჩინოთ მათი სიცოცხლე!“

ერთ-ერთმა მშობელმა, კახა წიქარიშვილმა, მსვლელობის წამყვან სასულიერო პირებს დახმარებისთვის მიმართა: „გთხოვთ, დაგვეხმაროთ ჩვენი შვილების გადარჩენაში“.

სასულიერო პირებმა დამსწრეებს აკურთხეს, რის შემდეგაც მსვლელობა გაგრძელდა.

მშობლები და მათი მხარდამჭერები ტრადიციულ კვირა მსვლელობას საღამოს 6:00 საათზე, მეტროსადგურ „რუსთაველიდან“ მთავრობის ადმინისტრაციის შენობისკენ დაიწყებენ.

27-ე დღეა, დიუშენის დაავადების მქონე ბავშვების მშობლები მთავრობის შენობის წინ შეუჩერებელ საპროტესტო აქციას მართავენ, საჭირო მედიკამენტების მოთხოვნით და იქ ღამით რჩებიან.

აქციის მონაწილეები მოითხოვენ, რომ მთავრობამ შემოიტანოს პრეპარატი, რომელიც, მათი თქმით, ბავშვების მდგომარეობას შეამსუბუქებს და კუნთოვანი დისტროფიის პროგრესირებას შეანელებს.

დიუშენის დაავადების მქონე ბავშვების მშობლებმა დახმარების თხოვნით საქართველოს საპატრიარქოს რამდენჯერმე მიმართეს.

ავტორი: ექსპრესნიუსი,

სოციალური ქსელები

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა

საქართველოში გერმანიის ახალ ელჩად ბარაბარა ფოსი დაინიშნა

პარტია ლელო : კობახიძის სიტყვები აფხაზეთში საწვავის მიწოდებასთან დაკავშირებით საკმარისი არ არის

გახარიას პარტია: აფხაზეთში კომერციული საწვავის იმპორტი საქართველოს უსაფრთხოებას საფრთხეს უქმნის