ევროპარლამენტარმა მარკეტა გრეგოროვამ კომენტარი გააკეთა ტელეკომპანია „იმედისთვის“, რომელსაც დიდი ბრიტანეთის მიერ რუსული დეზინფორმაციის გავრცელების გამო ადრე სანქციები დაედო, ევროპარლამენტში მუშაობის ერთწლიანი აკრძალვის შესახებ. გრეგოროვამ განმარტა, რომ პროსამთავრობო მედია საშუალებების ჟურნალისტები ინტერვიუებს წინასწარი ნებართვის გარეშე ატარებდნენ.

„მე არ მაქვს ოფიციალური დადასტურება ევროპარლამენტის შესაბამისი სამსახურებისგან, რომ „იმედი ტელევიზია“, „რუსთავი 2“ და „პოსტ ტელევიზია“ სანქციების ქვეშ მოექცნენ, მაგრამ თუ ასეა, მოხარული ვარ, რომ წესები ყველაზე ვრცელდება. პირველ რიგში, მე მჯერა, რომ პროპაგანდისტულ ტელევიზიებს თავიდანვე არ ჰქონდათ ევროპარლამენტის შენობაში ყოფნის უფლება. მეორეც, ისინი არ იცავდნენ პარლამენტის წესებს, რომლებიც ჩაწერისთვის წინასწარ თანხმობას მოითხოვს.

პირადად ჩემი თანხმობის გარეშე ჩამწერეს სხვა არხისთვის - ჩეხური ტელევიზიისთვის - ინტერვიუს მიცემისას. „ისინი მიყვიროდნენ, რადგან არ მინდოდა მათთან საუბარი, არა იმის გამო, თუ ვინ იყვნენ ისინი, არამედ იმიტომ, რომ უბრალოდ არ მქონდა მათთან საუბრის დრო. ამის შემდეგ, საქართველოში ჩემს წინააღმდეგ ცილისწამების კამპანია დაიწყო.

ეს არ უნდა მომხდარიყო და ეს არ არის ის, რასაც დემოკრატიული მედია გააკეთებდა. ამიტომ, ძალიან მიხარია, რომ წესები რეალურად ამოქმედდა“, - განაცხადა მარკეტა გრეგოროვამ.

ავტორი: ექსპრესნიუსი,

სოციალური ქსელები

სომხეთში „გაზპრომ-სომხეთის“ თანამშრომლები მექრთამეობის ბრალდებით დააკავეს

3 ოქტომბერს ვანში, წალკაში, დმანისში და ახმეტაში საკრებულოების შუალედური არჩევნები გაიმართება

გვარამია: საქართველოს დამაქცევარ ივანიშვილის რეჟიმს მინდა ვკითხო - ვინ დაიწყო ომი 1992 წელს აფხაზეთში?

NATO: ალიანსი 24/7 რეჟიმში არის მზად, უპასუხოს ნებისმიერ შესაძლო საფრთხეს, რათა დაიცვას მოკავშირეთა ტერიტორია და ხალხი