დიუშენის კუნთოვანი დისტროფიით (DMD) დაავადებული ბავშვების მშობლები უკვე რამდენიმე თვეა პროტესტს მართავენ თბილისში, სახელმწიფოსგან თანამედროვე მედიკამენტებზე ხელმისაწვდომობისა და მულტიდისციპლინური სამედიცინო გუნდის შექმნის მოთხოვნით. მშობლებმა პრემიერ-მინისტრ ირაკლი კობახიძესთან შეხვედრის მოთხოვნით, მთავრობის ადმინისტრაციას ოფიციალური განცხადებებით არაერთხელ მიმართეს. პროცესის პარალელურად, სოციალურ ქსელში გამოიკვეთა

“მითების დეტექტორის” მიერ წარსულში გამოვლენილი ანგარიშები

“მითების დეტექტორის” მიერ წარსულში გამოვლენილი 17 ყალბი ანგარიშიდან 15 რუსთავი 2-ის პოსტებზე ჩართულობის გაზრდას მოწონებების (ლაიქების) გზით ცდილობდა. ხოლო ყალბი ანგარიში  Ketevan Mikiashvili. რომელსაც სამთავრობო მედია სხვადასხვა კრიტიკულ საკითხებზე ხშირად, როგორც რეალურ პირს ისე ციტირებს, თავად დიუშენის სინდრომის თემაზე პოზიციას მის პოსტში გამოხატავდა. მიქიაშვილი მის პოსტში მედიკამენტების მიმართ სკეპტიკურ დამოკიდებულებას აღვივებდა, ყურადღებას წამლების გვერდით ეფექტზე ამახვილებდა, განსაკუთრებით მძიმე შემთხვევებზე, და ამასთანავე პარალელურად ავითარებდა ნარატივს, რომ პროტესტი პოლიტიკურად მართულია.  მარი კვარაცხელიას სახელით მოქმედმა ანგარიშმა კი “დიუშენის სინდრომის შესახებ” PosTV-ის მიერ მომზადებული სიუჟეტი გააზიარა, რომელშიც პროტესტის ხელოვნურად ორგანიზებასა და პოლიტიკური ჯგუფების მიერ სახელმწიფოს წინააღმდეგ ხალხის ამხედრებაზეა საუბარი.

დიუშენის კუნთოვანი დისტროფიის მქონე ბავშვთა მშობლების პროტესტის პარალელურად დაავადებაზე მანიპულაციური ნარატივების გავრცელებაში მონაწილეობდნენ პროსახელისუფლებო სარედაქციო პოლიტიკის მქონე მედიები (იმედი, რუსთავი 2, POSTV) და მათთან თანხვედრაში მოქმედი ფეისბუქ გვერდები და ანგარიშები („განულებული ოპოზიცია“, „ახლა • Akhla“ და სხვ.), რომლებიც პრეპარატების ეფექტიანობას კითხვის ნიშნის ქვეშ აყენებდნენ. პარალელურად ვრცელდებოდა დეზინფორმაციული კამპანიებიც, მათ შორის პრეპარატების „სიკვდილის ექსპერიმენტად“ წარმოჩენა და კონსპირაციული მტკიცებები BlackRock-ის მონაწილეობაზე. 

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს