საფრანგეთის ეროვნულმა ასამბლეამ ერთხმად მიიღო კანონი, რომელიც ამარტივებს ქვეყნის ყოფილი კოლონიებიდან ამოღებული ხელოვნების ნიმუშებისა და არტეფაქტების დაბრუნებას. Euronews-ის ცნობით, სენატმა კანონი იანვრის დასაწყისში დაამტკიცა.

ბოლო წლებში, ალჟირმა, მალიმ და ბენინმა, სხვა ქვეყნებთან ერთად, საფრანგეთს კულტურული ქონების დაბრუნების მოთხოვნით მიმართეს.

კანონის მიზანია კოლონიებიდან უკანონოდ ამოღებული ობიექტების რესტიტუციის პროცესის გამარტივება, განსაკუთრებით 1815 წლიდან 1972 წლამდე - კულტურული მემკვიდრეობის დაცვის შესახებ იუნესკოს კონვენციის ძალაში შესვლამდე.

კანონი მიღებულ იქნა თითქმის ათი წლის შემდეგ, რაც საფრანგეთის პრეზიდენტმა ემანუელ მაკრონმა აფრიკის ქვეყნებისთვის კულტურული ქონების დაბრუნების პირობა დადო.

„აფრიკული მემკვიდრეობა არ შეიძლება არსებობდეს მხოლოდ კერძო კოლექციებსა და ევროპულ მუზეუმებში“, - განაცხადა მაკრონმა 2017 წლის ნოემბერში ბურკინა ფასოს დედაქალაქ უაგადუგუში. „ხუთი წლის განმავლობაში მსურს შევქმნა პირობები აფრიკული მემკვიდრეობის აფრიკაში დროებითი ან მუდმივი დაბრუნებისთვის“.

ახალი კანონის თანახმად, ქვეყანამ, რომელიც თავისი კულტურული ობიექტების დაბრუნებას ცდილობს, უნდა წარადგინოს ოფიციალური მოთხოვნა და უზრუნველყოს მათი შენარჩუნება და საზოგადოებისთვის ხელმისაწვდომობა. შემდეგ განაცხადს განიხილავს სპეციალური კომისია, რომელიც აფასებს უკანონო ან იძულებითი გატანის მტკიცებულებებს.

კანონი არ ვრცელდება საომარ ტროფებზე, სახელმწიფო არქივებზე ან არქეოლოგიური აღმოჩენების საფრანგეთის წილზე.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს