მადლობა ღმერთს, რომ რუსეთი ვერ მართავს ვერც ნატოს და ვერც ევროკავშირს, - ასე გამოეხმაურა ევროპულ და ევროატლანტიკურ საკითხებში საქართველოს სახელმწიფო მინისტრი დავით ბაქრაძე ნატოში რუსეთის ელჩის ალექსანდრე გრუშკოს განცხადებას.

ბაქრაძის შეფასებით, ნატო და ევროკავშირი არ დაუშვებს, რომ გაუარესდეს ვითარება.

„მადლობა ღმერთს, რომ რუსეთი ვერ მართავს ვერც ნატო-ს და ვერც ევროკავშირს, ეს გადაწყვეტილება უნდა მიიღოს ნატო-მ და ევროკავშირმა, ისინი არ დაუშვებენ ისეთ მოვლენებს, რომ გაუარესდეს მდგომარეობა, პირიქით, თუ ჩვენ ვყურებთ, როგორ მოქმედებს ნატო ცალკე, ევროკავშირი ცალკე, ამ ურთიერთთანამშრომლობით, ვხედავთ, რომ სადაც ნატო და ევროკავშირია, იქ არის მშვიდობა, სტაბილურობა, განვითრება, დემოკრატია, დაველოდოთ მოვლენებს, საქართველო თავის საშიანო დავალებებს ასრულებს როგორც ერთი, ისე მეორე მიმართულებით, და ღრმად ვარ დარწმუნებული, რომ საქართველოს გაწევრიანება, როგორც ერთ, ისე მეორე ორგანიზაციაში, იქნება მშვიდობის და სტაბილურობის მომტანი კავკასიაში“, - განაცხადა დავით ბაქრაძემ.

ცნობისთვის, ნატო-ში რუსეთის მუდმივმა წარმომადგენელმა  ალექსანდრე გრუშენკომ ტელეკომპანია "როსია 24"-თვის მიცემულ ინტერვიუში განაცხადა, რომ საქართველოსა და უკრაინის ნატო-ში გაწევრიანება "ევროპაში სიტუაციას ააფეთქებს და წარმოუდგენელი კრიზისის ზღვარზე დააყენებს".

"წარმოუდგენელია სიტუაცია, რომ ამ ქვეყნებს ნატო-ში გაწევრიანების იმედი ჰქონდეთ", - განაცხადა გრუშკომ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა