„რესპუბლიკური პარტია საპარლამენტო არჩევნებისთვის ემზადება დამოუკიდებლად, ინდივიდიალურ რეჟიმში. ეს გადაწყვეტილება არ ნიშნავს რესპუბლიკური პარტიის დაუყოვნებლივ გასვლას კოალიციიდან“, - ამის შესახებ დღეს გამართულ პრესკონფერენციაზე პარტიის თავმჯდომარე ხათუნა სამნიძემ განაცხადა.

მისივე თქმით, აღმასრულებელ ხელისუფლებას ეტაპობრივად, საკუთარი სურვილით ან პრემიერ-მინისტრის გადაწყვეტილებით დატოვებენ.

„რესპუბლიკური პარტიის ეროვნული კომიტეტის 27 მარტის გადაწყვეტილებით, რომლის გასაჯაროებაც დაყოვნდა პრემიერ-მინისტრის თხოვნით, იმისათვის, რომ კოალიცია მომზადებულიყო ახალი პოლიტიკური რეალობისთვის.

საქართველოს რესპუბლიკური პარტია საპარლამენტო არჩევნებისთვის ემზადება დამოუკიდებლად, ინდივიდიალურ რეჟიმში. ეს გადაწყვეტილება არ ნიშნავს რესპუბლიკური პარტიის დაუყოვნებლივ გასვლას კოალიციიდან, საპარლამენტო უმრავლესობიდან, მთავრობიდან და ადგილებზე საკრებულოების უმრავლესობიდან. ჩვენ ამ საკითხებს გადავწყვეტთ ეტაპობრივად და ეს დამოკიდებული იქნება შემდეგ ფაქტორებზე:

სამთავრობო თანამდებობებს დავტოვებთ მხოლოდ საკუთარი პოლიტიკური დღის წესრიგის ან პრემიერ-მინისტრის გადაწყვეტილების გამო, და არავითარ შემთხვევაში ოკუპანტი ქვეყნის ადგილობრივი სტალინელების, ვიდეოშანტაჟისტების, ან ანტინატოელების ულტიმატუმების ფონზე. ჩვენი შემდგომი თანამშრომლობა დამოკიდებული იქნება პარტია „ქართული ოცნების“ დაანონსებულ განახლებაზეც, მაგრამ ჩვენი თანამშრომლობა ნამდვილად ვერ იქნება შესაძლებელი, თუ პოლიტიკური დღის წესრიგის განმსაზღვრელი კვლავ იქნება თავისუფალ რეჟიმში მოქმედი ინდივიდების საჯარო განცხადება.

ჩვენ ვეცდებით, რომ ჩვენი ნაბიჯებით არ გაჩნდეს შეკითხვები ქვეყნის სტაბილურობასა და ხელისუფლების კურსთან დაკავშირებით", - განაცხდა პარტიის თავმჯდომარემ.

მისივე თქმით, მინისტრები ეროვნული ინტერესების შესაბამისად გააგრძელებენ მუშაობას, თუმცა პარლამენტში პრიორიტეტი პარტიულ ინტერესებზე გაკეთდება, გარდა იმ შემთხვევისა, როდესაც საკითხი შეიძლება წინასწარ იყოს შეთანხმებული უმრავლესობაში.

„რესპუბლიკელი“ მინისტრები მთავრობაში ყოფნის პერიოდში პრემიერ-მინისტრის ხელმძღვანელობით გააგრძელებენ პარლამენტის მიერ დამტკიცებული საპარლამენტო პროგრამების შესრულებას, მაგრამ პარლამენტში ვითარება იქნება პირიქით - ფრაქცია რესპუბლიკელები იხელმძღვანელებს პარტიული პოლიტიკური პრიორიტეტებით გარდა გარკვეული საკითხებისა, რომლებიც შესაძლოა წინასწარ შეთანხმდეს უმრავლესობის რეჟიმში“, - განაცხადა სამნიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა