უკრაინის პრეზიდენტი ვოლოდიმერ ზელენსკი უკრაინაში არჩევნებისა და სამშვიდობო შეთანხმების შესახებ რეფერენდუმის ერთსა და იმავე დღეს ჩატარებას გეგმავს.

ინფორმაციას Financial Times წყაროებზე დაყრდნობით ავრცელებს.

უკრაინისა და დასავლელი ოფიციალური პირების, ასევე სიტუაციის მცოდნე პირების ცნობით, ეს ნაბიჯი თეთრი სახლის მხრიდან კიევზე გაზაფხულზე უკრაინასა და რუსეთს შორის სამშვიდობო მოლაპარაკებების დასრულების ზეწოლის ფონზე გადაიდგა. მზადება მას შემდეგ დაიწყო, რაც ტრამპის ადმინისტრაციამ ორივე კენჭისყრის 15 მაისამდე ჩატარება მოითხოვა. წინააღმდეგ შემთხვევაში, ქვეყანა აშშ-ს მიერ შეთავაზებული უსაფრთხოების გარანტიების დაკარგვის რისკის ქვეშაა.

წყაროები ასევე აღნიშნავენ, რომ ზელენსკი საპრეზიდენტო არჩევნებისა და რეფერენდუმის 24 თებერვალს გამოცხადებას გეგმავს. უკრაინის პრეზიდენტთან დაახლოებული წყაროების ცნობით, მან და მისმა გუნდმა ტრამპის ადმინისტრაციას ნათლად განუცხადეს, რომ ისინი მზად არიან უკიდურესად მოკლე ვადისთვის, ომის პირობებში არჩევნების მჭიდრო გრაფიკით ჩატარების ლოგისტიკური სირთულეების მიუხედავად.

სამუშაო გრაფიკის მიხედვით, ვერხოვნა რადა მარტსა და აპრილში იმუშავებს იმ აუცილებელი საკანონმდებლო ცვლილებების შესატანად, რომლებიც არჩევნების ომის დროს ჩატარებას საშუალებას მისცემს.

ავტორი: ექსპრესნიუსი,

სოციალური ქსელები

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს

უკრაინული დრონის თავდასხმის შედეგად ოკუპირებული სევასტოპოლი კვლავ ელექტროენერგიის გარეშე დარჩა

უკრაინამ ბაშკორტოსტანში მდებარე „გაზპრომის“ უდიდეს ნავთობგადამამუშავებელ ქარხანას ბოლო ერთი თვის განმავლობაში მეორედ შეუტია

ხმარა ნოვოროსიისკში ჩატარებული ოპერაციაზე -ჩვენ შევაჩერებთ რუსულ სამხედრო მანქანას