ეს გახლავთ „საერთაშორისო გამჭვირვალობის“ ესტონეთის ოფისი. ასევე, ნინო ლომჯარიას „ევროპული ორბიტის“ ესტონეთის ოფისი. იგივე მისამართზეა რეგისტრირებული „პუბლიკა“, „ტაბულა“, on.ge. ეს არის ევროკავშირის სქემები საქართველოზე პოლიტიკური გავლენის მოსაპოვებლად. - თქვა პაპუაშვილმა ოცნების პროპაგანდისტული TV იმედის ეთერში გრანტების შესახებ კანონზე საუბრისას

"დღეს, სხვათა შორის, მიხეილ სააკაშვილმაც ამხილა ისინი... ეს შენობა გახლავთ "საერთაშორისო გამჭვირვალობა - საქართველოს", ნინო ლომჯარიას "ევროპული ორბიტის", ე.წ. მედიის, სინამდვილეში პროპაგანდის ინსტრუმენტის, "პუბლიკის" და კიდევ რამდენიმე სხვა ასეთი ორგანიზაციის ესტონეთის ოფისი. ეს არის რასაც აკეთებს დღეს ესტონეთი საქართველოს წინააღმდეგ, როდესაც ყალბი ორგანიზაციები ფუძნდება იქ... არის დოკუმენტები ამ ყველაფრის... აქ საინტერესო ის არის, რომ ესტონური პირადი ნომრები აქვთ მითითებული, არ ვიცი, რა სამართლებრივი სტატუსი აქვთ მოპოვებული ესტონეთში.

"პუბლიკა" გამოცემა - ესტონური მედია გამხდარა, ON. ge - ესტონური მედია გამხდარა, ტაბულა - ესტონური მედია გამხდარა. ერთი საინტერესო ადამიანიც არის აქ, ჩვენთვის მედიცინის მუშაკად წარმოდგენილი და BBC-ის საქართველოს წინააღმდეგ ცილისმწამებლური ფილმის მთავარი პერსონაჟი კონსტანტინე ჩახუნაშვილი და მისი მეუღლეც ესტონური NGO-ები არიან - ეს არის ევროკავშირის სქემები საქართველოზე პოლიტიკური გავლენის მოსაპოვებლად" - თქვა პაპუაშვილმა 

 28 იანვარს ცნობილი გახდა, რომ ოცნება რამდენიმე შეზღუდვას აწესებს, მათ შორის, მკაცრდება გრანტების შესახებ კანონი და რიგ შემთხვევებზე სისხლისსამართლებრივი პასუხისმგებლობაც წესდება. ოცნებას შემოაქვს ტერმინების ახალი განმარტებებიც. ცნობილია, რომ გრანტების კანონის დარღვევა 6 წლამდე პატიმრობას გამოიწვევს

ავტორი: ექსპრესნიუსი,

სოციალური ქსელები

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას