სამართალდამცავების ცნობით, კაპიტოლიუმთან მომხდარი ინციდენტი რიგითი კრიმინალური აქტი იყო

2016-03-29 11:42:03, 1201 ნახვა

მსოფლიო

ვაშინგტონში, კაპიტოლიუმთან მომხდარი ინციდენტი გახსნილია. ეჭვმიტანილი მამაკაცი, რომელიც საკანონმდებლო ორგანოს ტერიტორიაზე იარაღით შეიჭრა და უსაფრთხოების თანამშრომლის მისამართით ცეცხლის გახსნა სცადა, 66 წლის ტენესელი ლარი რასელ დოუსონი აღმოჩნდა.

სპეც ოპერაციის შედეგად შეიარაღებული პირი დაიჭრა და საავადმყოფოშია გადაყვანილი. ინციდენტის დროს ერთი თვითმხილველი ქალიც მსუბუქად დაშავდა. კაპიტოლიუმში რამდენიმე საათით ევაკუაცია გამოცხადდა.

სამართალდამცველები ტერორისტულ თავდასხმას გამორიცხავენ და განმარტავენ, რომ მომხდარი რიგითი კრიმინალური აქტი იყო.

უსაფრთხოება ვაშინგტონში განსაკუთრებით გაძლიერებულია, რადგან ამერიკის დედაქალაქში ბირთვული უსაფრთხოების სამიტზე დასასწრებად მსოფლიოს ლიდერებს ელოდებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან