ბრიუსელის აეროპორტში განხორციელებულ ტერაქტში ეჭვმიტანილი მესამე პირის ვინაობა ცნობილია

2016-03-26 16:37:07, 1160 ნახვა

მსოფლიო

ბრიუსელის აეროპორტში განხოციელებულ ტერაქტში ეჭვმიტანილი მესამე პირის ვინაობა ცნობილია, - ამის შესახებ ინფორმაციას Reuters ავრცელებს.

როგორც მედია საშუალება იტყობინება, მისი სახელი ფაიკალ ჩეფუა. იგი სათვალთვალო კამერით დაფიქსირებულ სამ პირს შორის ერთ-ერთია, რომელმაც სავარაუდოდ, აეროპორტზე თავდასხმა განახორციელა.

აღნიშნულ საკითხთან დაკავშირებით ბელგიის პროკურატურა ჯერ კომენტარს არ აკეთებს. თუმცა, მანამდე მათ განაცხადეს, რომ პროკურატურასთან ახლოს პოლიციამ ვინმე ფაიკალ ჩ. დააკავა. აღსანიშნავია, რომ პროკურატურამ მისი დაკაგვების შემდეგ არ დააკონკრეტა, არის თუ არა დაკავებული, სწორედ მესამე ეჭვმიტანილი.

შეგახსენებთ, რომ ბრიუსელის აეროპორტსა და მეტროში მომხდარ ტერაქტების სერიას 31 ადამიანი ემსხვერპლა, 270 კი დაშავდა.

მომხდარზე პასუხისმგებლობა "ისლამურმა სახელმწიფომ" აიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან