ბაღდადში ტერაქტის შედეგად დაღუპულთა რიცხვი 41-მდე გაიზარდა

2016-03-26 14:06:25, 1249 ნახვა

მსოფლიო

ბაღდადის მიხლობლად ქალაქ ელ-ისკანდარიაში ადგილობრივი საფეხბურთო მატჩის დროს მომხდარი ტერაქტის შედეგად დაღუპულთა რიცხვმა 41-ს მიაღწია, 100-ზე მეტი კი დაშავებულია, - ამის შესახებ ინფორმაციას უცხოური მედია ავრცელებს.

ადგილობრივების განცხადებით, აფეთქება მაშინ მოხდა, როდესაც გამარჯვებული გუნდისთვის ჯილდო უნდა გადაეცათ.

"მაშინ როდესაც გამარჯვებული გუნდისთვის ჯილდო უნდა გადაეცათ თვიმთკვლელმა თავი აიფეთქა იქ სადაც ხალხი იყო შეკრებული", - განაცხადა ადგილობრივმა პოლიციის უფროსმა.

როგორც მედია საშუალება ძალოვან სტრუქტურებზე დაყრდნობით იუწყება, თვითმკველი სავარაუდოდ მოზარდი იყო.

მომხდარზე პასუხისმგებლობა "ისლამურმა სახელმწიფომ" უკვე აიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან