პირები, კომპანიები, რომლებმაც 2010 წლამდე სახელმწიფო ქონება შეისყიდეს, შენობის ქვეშ არსებულ მიწებს მთლიანად დაიკანონებენ. აღნიშნულს მთავრობის შესაბამისი დადგენილება ითვალისწინებს, რომელიც ჟურნალისტებს ეკონომიკისა და მდგრადი განვითარების მინისტრმა დიმიტრი ქუმსიშვილმა გააცნო:

„კერძოდ, როდესაც გაყიდული იყო მხოლოდ შენობა-ნაგებობა და არ იყო გაყიდული მიწა, ასეთი შემთხვევები ჩვენ გვქონდა მანამდე, სანამ სახელმწიფო ქონების შესახებ კანონი ძალაში შევიდოდა, ამ შემთხვევაში ჩვენ გვაქვს მდგომარეობები, როდესაც შენობის ფართი არის უფრო მეტი, ვიდრე მათზე მიყოლებული მიწა.

შესაბამისად, ამ დადგენილებით ჩვენ ვაძლევთ შესაძლებლობებს, რომ აღნიშნულმა პირებმა, კომპანიებმა მოითხოვონ შენობის ქვეშ არსებული მიწა მთლიანად, იმისათვის, რომ მოხდეს მიკუთვნება, მიუხედავად იმისა, რა იყო ჩაწერილი საპრივატიზებო დოკუმენტაციაში. ასეთი ამ წუთში ჩვენ გვაქვს დაფიქსირებული 100-ზე მეტი განაცხადი, თუმცა, რა ანალიზსაც ვაკეთებთ, სავარაუდოდ, 250 შემთხვევაზე გავრცელდება. რა თქმა უნდა, ზუსტად ისე, როგორც მიკუთვნებისა და აღიარების შესახებ კანონშია, მათ მოუწევთ გარკვეული საზღაურის გადახდა, რომელიც არის ტოლი ხუთმაგი წლიური საგადასახადო ოდენობის“, - განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება