ევროკავშირის მოქალაქეების ნახევარზე მეტი მის გაფართოებას მხარს უჭერს. გაფართოებასთან დაკავშირებით Eurobarometer-ის კვლევის მონაცემები გაფართოების საკითხებში ევროკომისარმა მარტა კოსმა წარადგინა.

"შედეგები უკრაინაში სრულმასშტაბიანი ომის დაწყების შემდეგ გაფართოების საზოგადოებრივი მხარდაჭერის აღმავალ ტრენდს ადასტურებს. ჩვენს უსაფრთხოებაზე ზრუნვამ გაფართოების მხარდაჭერა გაზარდა," - აღნიშნა კოსმა.

 ყველაზე დიდი მხარდაჭერა ევროპის ჩრდილოეთში, განსაკუთრებით დანიასა და შვედეთშია, სადაც მაჩვენებელი თითქმის 80%-ია. კოსმა ასევე აღნიშნა, რომ ახალგაზრდების ორი მესამედი ევროკავშირის გაფართოებას უჭერს მხარს. 

ევროკომისარმა ასევე აღნიშნა, რომ კოპენჰაგენში, ევროპის საკითხებში მინისტრების არაფორმალურ შეხვედრაზე გაწევრიანების მოლაპარაკებებში პროგრესის გზებზე იყო საუბარი. თუმცა, უნგრეთმა კიდევ ერთხელ განაცხადა, რომ ევროკავშირში უკრაინის გაწევრიანების შესახებ მოლაპარაკებების პირველი კლასტერის გახსნას არ ეთანხმება.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის