მანჯგალაძე - მივიდეთ 13 სექტემბერს, დავიცვათ ევროპული გზა, უვიზო მიმოსვლა.მივიდეთ 4 ოქტომბერს, დავიცვათ საქართველო

2025-08-30 13:09:08, 2164 ნახვა

კომენტარი

" მივიდეთ 13 სექტემბერს, დავიცვათ ევროპული გზა, უვიზო მიმოსვლა.მივიდეთ 4 ოქტომბერს, დავიცვათ საქართველო." - ამის შესახებ სტრატეგია აღმაშენებელის ერთ-ერთმა ლიდერმა პაატა მანჯგალაძემ განაცხადა.

"რატომ ცდილობს რეჟიმი 13 სექტემბრის მშვიდობიანი აქციისგან დახატოს აპოკალიფსი? საზოგადოება დღეს უკვე საკმარისად დაბრძენდა, რომ თვითონ განსაზღვროს რისთვის სჭირდება რეჟიმს ისტერიული პროპაგანდა აქციის წინააღმდეგ, რომელიც ითხოვს მხოლოდ ერთს, ევროპასთან უვიზო მიმოსვლის დაცვას?

ამას აქვს ორი მიზეზი: დააფრთხოს ხალხი, რომ 13-ში არ მოვიდნენ ვითომ „არეულობაა მოსალოდნელი". გააჩინოს იმედგაცრუება 4 ოქტომბრისთვის, როცა 13-ში, როგორც თავად ამბობენ, არანაირი არეულობა არ მოხდება, ისინი თავადვე იტყვიან,„ხედავთ? არაფერი გამოუვიდათ, ისევ ისეირნეს."

ეს არის სცენარი, რომელსაც რეჟიმი წერს მაგრამ ისტორიას ხალხი წერს და არა პროპაგანდისტები.არ ავყვეთ შიშს. არ დავთმოთ ჩვენი მომავალი. მივიდეთ 13 სექტემბერს, დავიცვათ ევროპული გზა, უვიზო მიმოსვლა. მივიდეთ 4 ოქტომბერს, დავიცვათ საქართველო." - პაატა მანჯგალაძე