პარლამენტი მიმდინარე კვირის რიგგარეშე სხდომაზე, პარტია „გახარია საქართველოსთვის“ წევრებისთვის სადეპუტატო უფლებამოსილების ვადამდე შეწყვეტის საკითხს განიხილავს და შესაბამისს გადაწყვეტილებას მიიღებს.

რიგგარეშე პლენარული სხდომა 1 და 2 ივლისს გაიმართება. როგორც პარლამენტის თავმჯდომარემ შალვა პაპუაშვილმა ბიუროს სხდომაზე განაცხადა, რიგგარეშე სხდომაზე სხვა საკითხებთან ერთად, უფლებამოსილების შეწყვეტასთან დაკავშირებულ საპროცედურო საკითხზეც იმსჯელებენ.

პარლამენტის სხდომების არასაპატიო მიზეზით გაცდენის გამო დღის წესრიგში 12 დეპუტატისთვის უფლებამოსილების შეწყვეტის საკითხი დგას. ეს დეპუტატები არიან: გიორგი გახარია, თეონა აქუბარდია, ანა ბუჩუკური, ლევან გოგიჩაიშვილი, ზაზა თავაძე, ბექა ლილუაშვილი, ნათია მეზვრიშვილი, ბერდია სიჭინავა, კახა ქემოკლიძე, როინ ქოჩორაშვილი, დიმიტრი ცქიტიშვილი და ზვიად ძიძიგური.

მათთვის სადეპუტატო უფლებამოსილების შეწყვეტის საკითხის რიგგარეშე სხდომაზე გატანამდე, საპროცედურო საკითხთა და წესების კომიტეტი იმსჯელებს, რომელიც პარლამენტში დღეს გაიმართება.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება