რუსეთმა ხერსონის ოლქი დაბომბა, დაიღუპა 3 ადამიანი

2025-06-26 14:57:55, 1868 ნახვა

ომი უკრაინაში

25 ივნისის საღამოს რუსეთმა ხერსონის ოლქზე იერიში მიიტანა. შედეგად დაიღუპა 3 და დაშავდა 2 ადამიანი.

ხერსონის ოლქის სამხედრო ადმინისტრაციის მეთაურის თქმით, სოფელ კრასნი მაიაკში დაიღუპა 55 წლის კაცი, რომელსაც ოკუპანტების მიერ გაშვებული უპილოტო საფრენი აპარატი დაეჯახა.

გარდა ამისა სოფელ სოფიევკაში რუსებმა იერიში მიიტანეს სოფლის მეურნეობის საწარმოზე, შედეგად დაიღუპა 38 წლის კაცი.

კიდევ ერთი 1987 წელს დაბადებული კაცი დაიღუპა სოფელ ტავრიჩესკის დაბომბვის შედეგად.

ქალაქ ხერსონის დაბომბვისას დაიჭრა ორი ქალი. დაშავებულები საავადმყოფოში გადაიყვანეს.

რუსეთი უკრაინის რეგიონებს ავიაციითა და არტილერიით ყოველდღიურად ბომბავს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,