ბრიტანეთის არმიის ცენტრალური მიზანი საბრძოლო მზადყოფნა იქნება, – ამის შესახებ ბრიტანეთის პრემიერ-მინისტრმა, კირ სტარმერმა განაცხადა.

ბრიტანეთის მთავრობის ხელმძღვანელის თქმით, როდესაც პირდაპირი მუქარა მოდის განვითარებული სამხედრო ძალების მქონე სახელმწიფოებიდან, მათი შეკავების ყველაზე ეფექტური გზა არის მზადყოფნაში ყოფნა.

„დღეს შემიძლია, განვაცხადო, რომ ჩვენ ვაპირებთ, გაერთიანებულ სამეფოში ავაშენოთ, სულ მცირე, ექვსი ახალი საბრძოლო მასალის ქარხანა, რაც შექმნის ათასზე მეტ სამუშაო ადგილს. ევროპის შეკავების გასაძლიერებლად, ჩვენ დიდ ბრიტანეთში ათასობით ახალ, შორი მოქმედების იარაღს გავაკეთებთ, რაც დაახლოებით 800 დამატებით სამუშაო ადგილს შექმნის. ჩვენ დავიცავთ ჩვენს სამშობლოს საჰაერო და სარაკეტო თავდაცვაში ინვესტიციების განხორციელებით. ამ კუნძულების უკეთ დასაცავად, ჩვენ შევქმნით ჰიბრიდულ სამეფო საზღვაო ძალებს, რომელიც გააერთიანებს დრონებს სამხედრო გემებთან, წყალქვეშა ნავებთან და თვითმფრინავებთან ჩრდილო ატლანტიკასა და მის ფარგლებს გარეთ პატრულირებისთვის, რაც მხარს დაუჭერს გემთმშენებლობის ათასობით სამუშაოს, მათ შორის აქ, დევონში. აშშ-სა და ავსტრალიასთან AUKUS-ის ალიანსის ფარგლებში, ჩვენ ახლა შევქმნით 12-მდე თავდასხმის წყალქვეშა ნავს, რომლებიც დაიცავენ ბრიტანეთის წყლებს, გავაფართოებთ ბაროუს სამრეწველო ბაზას და მიწოდების ჯაჭვის მთელ ხაზს, რათა ყოველ 18 თვეში ახალი წყალქვეშა ნავი გავაკეთოთ. ჩვენ ასევე ჩავდებთ ინვესტიციებს მსოფლიოში წამყვან დრონების შესაძლებლობებსა და საბრძოლო ტექნოლოგიებში, უკეთეს აღჭურვილობაში ჩვენი მეომრებისთვის საზღვარგარეთ და უკეთეს საცხოვრებელში მათთვის და მათი ოჯახებისთვის სამშობლოში. დღეს შემიძლია, დავადასტურო, რომ ჩვენ 15 მილიარდ ფუნტ სტერლინგს ვდებთ ჩვენს სუვერენულ ქობინების პროგრამაში, რათა უზრუნველვყოთ ჩვენი შემაკავებელი ძალების უზრუნველყოფა მომავალი ათწლეულების განმავლობაში, რაც შექმნის 9 000 სამუშაო ადგილს და ათასობით სხვა ადგილს მიწოდების ჯაჭვებში მთელი ქვეყნის მასშტაბით. ეს ჩვენი ბირთვული შემაკავებელი ძალის ისტორიული განახლების ნაწილია, როგორც ჩვენი უსაფრთხოებისა და დაცულობის საბოლოო გარანტი“, – განაცხადა კირ სტარმერმა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს