კიდევ ერთი ადამიანი/სათამაშო მოისროლა ივანიშვილმა, „ნახმარს“ ვერაფერს ვერ იტანს - ჩვენი მიზანი კი უნდა იყოს მხოლოდ ერთი: ივანიშვილის დამხობა თავის სათამაშოებთან ერთად, - ამის შესახებ „ერთიანობა ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა, რითაც ვახტანგ გომელაურის შს მინისტრის თანამდებობიდან გადადგომას გამოეხმაურა.

მისი თქმით, ვახტანგ გომელაურს წასასვლელი არსად აღარ აქვს, რადგან „მაგნიტსკის“ სიაშია.

„კიდევ ერთი ადამიანი/სათამაშო მოისროლა ივანიშვილმა და მას აქვს ასეთი დამოკიდებულება, რომ „ნახმარს“ ვერაფერს ვერ იტანს, შესაბამისად, ლილუაშვილის შემდეგ, ახლა უკვე გომელაურის დრო დადგა, წასასვლელიც არ აქვს ოღონდ არსად, ევროპაშიც ვერ წავა, „მაგნიტსკის“ სიაშია, აშშ-იც ვერ წავა, ტერორისტების და მკვლელების სიაში ჰყავს შეყვანილი აშშ-ს, ივანიშვილს ეს არ აინტერესებს და მოისროლა „ნახმარი ნაჭერივით“ და ეს ელის ყველას, კოლექტიურ სირაძეებს, ხარებებს, ივანიშვილი ვერ იტანს ნახმარ სათამაშოებს და ახლა სურს ახალი სათამაშოებით შეავსოს დე-ფაქტო მთავრობა.

ახალი მინისტრი [გელა გელაძე] არის მდინარაძის ლობირებით, იმას მიაღწია, რომ თვითონ თუ არ დანიშნეს მინისტრად, მისი ლობირების ქვეშ მაინც დაინიშნა კონკრეტული ადამიანი, თუმცა ეს არის სათამაშოებით თამაში და უნდა გვესმოდეს, რომ მთავარი მიზანი ივანიშვილის დამხობა უნდა იყოს, მის სათამაშოებთან ერთად“,- განაცხადა ლევან ხაბეიშვილმა.

ცნობისთვის, ვახტანგ გომელაურმა შინაგან საქმეთა მინისტრის თანამდებობიდან გადადგომასთან დაკავშირებით ინფორმაცია დღეს, დილით გაავრცელა. როგორც ის აცხადებს, დღეს ქვეყანაში მშვიდი ვითარებაა, რის გამოც თავს უფლება მისცა, რომ თანამდებობა დაეტოვებინა.

დღესვე, შს მინისტრის პოსტზე პრემიერ-მინისტრმა, ირაკლი კობახიძემ გელა გელაძე წარადგინა.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა