ერთ-ერთი ბრალდებული ინგა ჩატოიანი ამჟამად დაკავებული არ არის, თუმცა მას ბრალი ოფიციალურად აქვს წაყენებული, - ამის შესახებ საქართველოს მთავარ პროკურატურაში გამართულ საგანგებო ბრიფინგზე პროკურორმა კოკა კაციტაძემ განაცხადა.

ბრიფინგი პირადი ცხოვრების ამსახველ კადრებთან დაკავშირებით გაიმართა.

პროკურორმა კაციტაძემ იმ პირებზე ისაუბრა ვისაც ბრალი პირადი ცხოვრების ამსახველი კადრების გავრცელებისთვის ედებათ.

როგორც პროკურორმა კოკა კაციტაძემ განაცხადა ერთ-ერთი ბრალდებული ინგა ჩატოიანი ამჟამად დაკავებული არ არის, თუმცა პროკურორის თქმით, ის საქართველოში იმყოფება და მას ბრალი ოფიციალურად უკვე წაუყენეს.

პროკურორის თქმით, მას ბრალი საქართველოს სისხლის სამართლის კოდექსის 157 მუხლის მესამე ნაწილის ა ქვეპუნქტით აქვს წარდგენილი, რაც სასჯელის სახით თავისფლების აღკვეთას 5 წლამდე ვადით ითვალისწინებს.

როგორც კაციტაძემ აღნიშნა, ჩატოიანი ამჟამად გამოძიებასთან თანამშრომლობს. მისივე განცხადებით, აღნიშნულ საკითხთან დაკავშირებით ბრალი კიდევ ოთხ პირს აქვს წაყენებული - ნიკოლოზ ხაჭაპურიძეს, ირაკლი ფხალაძეს, ამჟამად პატიმრობაში მყოფ  გელა ღურწკაიასა და ზურაბ ჯამალაშვილს, რომელიც გუშინ დააკავეს.

ზურაბ ჯამალაშვილს ბრალი საქართველოს სისხლის სამართლის კოდექსის 157-ე მუხლის პირველი ნაწილით წაეყენა, რაც პირადი ან ოჯახური საიდუმლოს უკანონოდ მოპოვებას, შენახვასა და გავრცელებას გულისხმობს, რაც ითვალისწინებს ჯარიმას, ერთ წლით გამასწორებელ სამუშაონ ან/და თავისუფლების აღკვეთას ერთი წლის ვადით. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა