ვატიკანი აცხადებს, რომ მომდევნო პაპის ასარჩევად კონკლავი 7 მაისს დაიწყება.

New York Times-ის ცნობით, კონკლავის თარიღის დასადგენად ვატიკანში ათობით კარდინალი ჩავიდა. 

წესისამებრ, კონკლავის თარიღი პაპის გარდაცვალებიდან 15-დან 20 დღემდე ინტერვალში უნდა დაინიშნოს. ისტორიულად, ახალი პაპის არჩევის ცერემონიის პაპის გარდაცვალებიდან ასე გვიან გამართვას ის ფაქტი განაპირობებდა, რომ მსოფლიოს სხვადასხვა ნაწილიდან კარდინალებს რომში ჩასვლა მოესწროთ. თუმცა დღესდღეობით ეს ჩვეულება კვლავ გამოსადეგია, განსაკუთრებით იმის გათვალისწინებით, რომ პაპმა ფრანცისკემ უპრეცედენტოდ ბევრი კარდინალი დანიშნა მსოფლიოს სხვადასხვა წერტილიდან.

მკაცრად არის განსაზღვრული, თუ ვის შეუძლია კონკლავზე ხმის მიცემა. პაპი პავლე VI-ს მიერ 1970 წელს გამოცემული Ingravescentem Aetatem-ის მიხედვით, კონკლავზე ხმის მიცემა მხოლოდ იმ კარდინალებს შეუძლიათ, რომლებიც პაპის გარდაცვალების ან მისი გადადგომის მომენტში 80 წელზე ნაკლები ასაკის იყვნენ.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის