2025-04-04 19:13:51, 944 ნახვა
პოლიტიკა
PACE ქართული ოცნების დელეგაციის უფლებამოსილების საკითხზე 7 აპრილს იმსჯელებს
ევროპის საბჭოს საპარლამენტო ასამბლეა 7 აპრილს საქართველოში არსებულ სიტუაციაზე და "ქართული ოცნების" დელეგაციის უფლებამოსილების საკითხზე დებატებს გამართავს - ამის შესახებ ცნობილი PACE-ს ვებგვერდზე განთავსებული ოფიციალური ინფორმაციიდან ხდება.
ცნობისთვის, PACE-ში "ქართული ოცნების" დელეგაციის უფლებამოსილება ნაწილობრივ აღიარებულია.
მანამდე, მონიტორინგის კომიტეტმა "ქართული ოცნების" დელეგაციას შეუჩერა არაერთი უფლება, მათ შორის, შეუზღუდა კომიტეტებში მონაწილეობა.
ამასთან, საქართველოს შესახებ ევროსაბჭოს საპარლამენტო ასამბლეაში მიღებული რეზოლუციის შემდეგ, "ქართულმა ოცნებამ" განაცხადა, რომ ევროსაბჭოს საპარლამენტო ასამბლეაში მუშაობას წყვეტდა.
ავტორი: ექსპრესნიუსი,
epn.ge (@expressnews.ge)
