ავღანეთში აფეთქების შედეგად "ისლამური სახელმწიფოს" 12 წევრი დაიღუპა

2016-03-14 12:31:12, 1237 ნახვა

მსოფლიო

ავღანეთის აღმოსავლეთ ნაწილში ტერორისტული დაჯგუფების "ისლამური სახელმწიფოს" წევრებმა საკუთარი ასაფეთქებელი ნივთიერებით თავი აიფეთქეს, - ამის შესახებ ინფორმაციას "რია-ნოვოსტი" ავრცელებს.

ავღანეთის თავდაცვის სამინისტროს ცნობით, ნანგარნახის პროვინციაში ექსტრემისტებს ასაფეთქებელი ნივთიერებები გადაჰქონდათ, რის დროსაც სპონტანური აფეთქება მოხდა. ინციდენტის შედეგად გარდაიცვალა 12 ტერორისტი, ხოლო 21 დაშავდა.

ცნობისთვის, სამკვირიანი სამხედრო ოპერაციის შედეგად მინიმუმ 300 ბოევიკი დაიღუპა. სამხედრო ძალების ცნობით, ავღანეთის აღმოსავლეთ ნაწილში დაახლოებით 1 ათასიდან 3 ათასამდე "ისლამური სახელმწიფოს" წევრი იმყოფება და ცდილობს ნანგარნახის პროვინციაში სამხედრო ბაზის ჩამოყალიბებას აპირებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან