ანკარის ტერაქტის დროს გარდაცვლილთა რიცხვი 32-მდე გაიზარდა დაჭრილია 126 ადამიანი

2016-03-14 04:39:28, 1536 ნახვა

მსოფლიო

თურქეთის დედაქალაქ ანკარაში განხორციელებული ტერორისტული აქტის შედეგად, გარდაცვლილთა რიცხვი 32-მდე გაიზარდა, დაჭრილია 126 ადამიანი, აქედან 25 მძიმე მდგომარეობაში იმყოფება. როგორც თურქული სააგენტოები იუწყებიან, ადგილზე მივიდნენ თურქეთის მთავრობის წევრები.

თურქეთის შს მინისტრმა ეფკან ალამ პირობა დადო, რომ ყველა ტერორისტი პასუხს აგებს. როგორც მინისტრმა აღნიშნა ერთ დღეში ტერორისტები მართლმსაჯულების წინაშე წარსდგებიან.

თურქეთის დედაქალაქ ანკარაში ავტობუსის გაჩერებაზე, ხალხმრავალ ადგილას აფეთქება მოხდა. თვითმხილველთა თქმით, აფეთქება ათათურქის ბულვარის მახლობლად მოხდა, სადაც სამინისტროებია განლაგებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან