ისრაელმა ღაზის სექტორს, ჰუმანიტარული დახმარების მიწოდების დაბლოკვის შემდეგ, ელექტროენერგიის მიწოდება შეუწყვიტა, - მედიის ინფორმაციით, ამის შესახებ ისრაელის ენერგეტიკის მინისტრმა ელი კოენმა განაცხადა.

„ჩვენ გამოვიყენებთ ჩვენს ხელთ არსებულ ყველა საშუალებას, რათა დავიბრუნოთ ყველა მძევალი და უზრუნველვყოთ, რომ „ჰამასი“ აღარ იყოს ღაზის სექტორში“, - განაცხადა ისრაელის ენერგეტიკის მინისტრმა.

„ჰამასმა“, თავის მხრივ, ისრაელის ხელისუფლება „იაფფასიან და მიუღებელ შანტაჟის ტაქტიკაში“ დაადანაშაულა.

შეგახსენებთ, „ჰამასსა“ და ისრაელს შორის მიღწეული ცეცხლის შეწყვეტის შეთანხმების პირველი ეტაპის ფარგლებში, რომელიც 1-ელ მარტს დასრულდა, „ჰამასმა“ ისრაელს 25 ცოცხალი მძევალი და 8 მძევლის ცხედარი გადასცა. ისრაელმა, სანაცვლოდ, დაახლოებით 1 800 პალესტინელი პატიმარი გაათავისუფლა.

ისრაელი ცეცხლის შეწყვეტის მეორე ეტაპის პირობად ღაზის სექტორის სრულ დემილიტარიზაციას და დარჩენილი 58 მძევლის, მათ შორის როგორც ცოცხლების, ასევე დაღუპულების, გადაცემას აყენებს. თავის მხრივ, „ჰამასი“ ღაზის სექტორიდან ისრაელის ჯარების სრულ გაყვანას ითხოვს.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს