პარტია „ხალხისთვის - ძლიერი საქართველოს“ ერთ-ერთი ლიდერის, ანა დოლიძის განცხადებით, თბილისის 67-ე საჯარო სკოლაში, სადაც სასწავლო პროცესი რემონტის მიზეზით შეჩერებულია, სამშენებლო სამუშაოები არ მიმდინარეობს.

მისი თქმით, „ქართული ოცნება“ საუბრობს გეოპოლიტიკაზე მაშინ, როდესაც იმაზე უნდა ისაუბროს, რაც ხალხს აწუხებს.

„ეს არის 67-ე სკოლა, კოტე აფხაზის ქუჩა. მინდა, რაღაცები მოგიყვეთ. ამ სკოლასთან ბრიფინგი მქონდა წინა ზაფხულს. გვქონდა პარტიული ბრიფინგი სკოლის გაწელილ რემონტებზე. ახლაც ამ სკოლაში ჩამიჩუმი, ბუზის ბზუილი არ ისმის, რატომ? დაკეტილია, არ არიან მოწაფეები, არ არის არც სამუშაო, არც მუშები, ზუსტად ისევეა როგორც ამ ზაფხულს. არადა ეს სკოლა გავიდა რემონტში, წესით აქ უნდა იყოს ერთი ამბავი, სამუშაოები, ხარაჩოები, როგორც ასეულობით სხვა სკოლა. მიგვაჩვიეს და გვაჩვევენ, რომ 67-ე სკოლის მოსწავლეები ამ სკოლაში არ ივლიან, სხვაგან გადაიყვანეთ, არავითარი სარემონტო სამუშაო არ არის. ასეთი სკოლა არის ასეულობით. ამაზე ბევრი მისაუბრია. ცოტა უნდა დამიწდნენ „ქართული ოცნების“ ბიჭები, ბიჭები იმიტომ, რომ ქალის ჭაჭანება არაა ამ რეჟიმის მმართველობაში. უნდა დამიწდნენ, ციდან ჩამოეშვნენ და რეალურ ცხოვრებაში ჩამოვიდნენ. ესენი არჩევენ გეოპოლიტიკურ ამბებს. გეოპოლიტიკა ძალიან კარგია, მაგრამ ამ რეჟიმის პირველი საქმე არის მსგავსი საკითხების გადაწყვეტა, როგორიც არის: სკოლის რემონტი, ეკონომიკა, ჯანდაცვა, განათლება და ა.შ. ამათ აწყობთ ილაპარაკონ ტრამპზე, ვაშინგტონზე და არ ილაპარაკონ იმაზე, რაც აწუხებს ხალხს“, - განაცხადა ანა დოლიძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია