ოკუპირებული აფხაზეთის ე.წ. „პრეზიდენტობის კანდიდატი“ ბადრა გუნბა აცხადებს, რომ „საპრეზიდენტო არჩევნების“ მეორე ტურში გაიმარჯვა. ინფორმაციას რუსული მედია ავრცელებს.

„წინასწარი შედეგები ყველამ იცით, ეს შედეგი განპირობებულია იმ ნდობით, რომელიც ჩვენი ქვეყნის მოქალაქეებმა გამოიჩინეს ჩვენს მიმართ და ჩვენი გუნდის მიმართ და, რაც მთავარია, ეს არის ჩვენი ხალხის ხმის შედეგი“, - განაცხადა გუნბამ ე.წ. „საარჩევნო შტაბის“ მხარდამჭერებთან შეხვედრისას.

„ტელეგრამ“ არხი „აფსნი 360“-ის ცნობით, გუნბას ხმა 54 859-მა „ამომრჩეველმა“ (56 პროცენტმა) მისცა. მისმა ოპონენტმა ადგურ არძინბამ 41 701 ხმა (42 პროცენტი) მიიღო. კიდევ 20 307 მოქალაქემ (2 პროცენტი) ყველას წინააღმდეგ მისცა ხმა.

ოკუპირებული აფხაზეთის ე.წ. ცენტრალური საარჩევნო კომისია წინასწარ შედეგებს 2 მარტს გამოაცხადებს, ე.წ. „არჩევნების“ „ოფიციალური შედეგები“ კი უახლოეს სამ დღეში გახდება ცნობილი.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს