2025-02-28 17:18:12, 867 ნახვა
სამართალი
ანდრო ჭიჭინაძე საპატიმროდან წერილს აგზავნის და შიმშილობის შეწყვეტას სთხოვს თემურ ქათამაძეს
მსახიობი ანდრო ჭიჭინაძე საპატიმროდან წერილს აგზავნის და ბათუმელ მედროშეს, თემურ ქათამაძეს შიმშილობის შეწყვეტას სთხოვს. წერილში აღნიშნულია, რომ ქათამაძეს მეტი ყურადღება სჭირდება და ის ყველასთვის ძლიერად და მხნედაა საჭირო.
„მეტი ყურადღება თემურ ქათამაძეს! მინდა ვთხოვო შიმშილობა შეწყვიტოს, ის ძლიერად და მხნედ ჭირდება ყველას!“- ნათქვამია ანდრო ჭიჭინაძის წერილში.
შეგახსენებთ, რომ მსახიობი ანდრო ჭიჭინაძე 5 დეკემბერს, პარლამენტთან მიმდინარე საპროტესტო აქციების დროს დააკავეს. ხელისუფლება მას ჯგუფურ ძალადობაში მონაწილეობის ბრალდებას უყენებს.
თემურ ქათამაძე, რომელიც 16 იანვრიდან იმყოფება შინაგან საქმეთა სამინისტროს დროებით მოთავსების ცენტრში, უკვე ორი თვეა შიმშილობს და უარს ამბობს საკვების მიღებაზე.
ავტორი: ექსპრესნიუსი,
epn.ge (@expressnews.ge)
