ბიძინა ივანიშვილი დიდი ხანია, რაც სანქციებისთვის ემზადება - ერთადერთი, რაც დღეს დასავლეთში განიხილება, არის ის, თუ როგორ უნდა გაძლიერდეს ზეწოლა მასსა და მის რეჟიმზე, მათ შორის სანქციების შემოღების გზით,- ამის შესახებ კოალიცია „ძლიერი საქართველოს“ ერთ-ერთმა ლიდერმა სალომე სამადაშვილმა განაცხადა, რითაც დიდი ბრიტანეთის მიერ ბიძინა ივანიშვილისთვის შესაძლო სანქციების დაწესებას გამოეხმაურა.

სალომე სამადაშვილის შეფასებით, დიდი ბრიტანეთის მიერ ბიძინა ივანიშვილისთვის დაწესებულ ფინანსურ სანქციებს დიდი მნიშვნელობა ექნება, რადგან მას ფინანსური აქტივების დიდი ნაწილი ოფშორულ ზონებში აქვს თავმოყრილი.

„ბიძინა ივანიშვილი დიდი ხანია, რაც სანქციებისთვის ემზადება. იცის, რომ გარდაუვალი იქნება დასავლეთის მხრიდან მისი, როგორც რუსეთის მოკავშირის დასანქცირების პროცესის გაგრძელება.

აშშ-ს სწორედ ამ მიზეზით ჰყავს დასანქცირებული, რომ ის რუსეთის და პუტინის რეჟიმის ინტერესებს ახორციელებს. დარწმუნებული ვარ, რომ ევროპასა და დიდ ბრიტანეთში ამ პროცესის გაგრძელება მისთვის დამაზიანებელი იქნება, რადგან მას ოფშორულ ზონებში დიდი რაოდენობით აქტივები ჰქონდა მობილიზებული.

ბრიტანეთის მიერ ბიძინა ივანიშვილის სანქცირება, ევროკავშირის წევრი ქვეყნების მხრიდან ინდივიდუალურ ფინანსურ სანქციების დაწესებას გაამარტივებს. არავინ არ აპირებს ურთიერთობების გადატვირთვას რუსი ოლიგარქის რეჟიმთან“, - განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია