„შინაგან საქმეთა სამინისტროს უნდა, რომ დაჩქარებული წესით მოასწროს და იყიდოს ისრაელური კომპანია Cellebrite-ის 3-წლიანი ლიცენზია, რომელიც მომდევნო წლების განმავლობაში დაეხმარება კომპიუტერულ მოწყობილობებსა და ტელეფონებში არსებულ ინფორმაციაზე სრულყოფილი წვდომის უზრუნველყოფაში.

შსს 6,8 მილიონ ლარამდე თანხას დახარჯავს მსგავს ლიცენზიებში.

შინაგან საქმეთა სამინისტროს ეკონომიკური დეპარტამენტის დირექტორის მოადგილე, აკაკი ხარებავა, მინისტრის მოადგილეს, გიორგი ბუთხუზს, 24 თებერვალს ამ საკითხზე პატაკი გაუგზავნა, საიდანაც გაირკვა, რომ შსს ხუთი სპეციალური მოწყობილობა და შესაბამისი ლიცენზია 2024 წლის მაისიდან აქვს, ხოლო ხელშეკრულების ვადა ერთი წლის შემდეგ, 2025 წლის 27 მაისს, ეწურება. ამავე მიმოწერის მიხედვით ცნობილი ხდება, რომ საგამოძიებო უწყება ორით გაზრდის იმ მოწყობილობების რაოდენობას, რომლებიც კომპიუტერულ მონაცემებზე წვდომის საშუალებას აძლევს.

„მათი ლიცენზიების შეძენით საექსპერტო-კრიმინალისტიკური დეპარტამენტის ლაბორატორია დამატებით შეძლებს ინფორმაციის უფრო სწრაფად მიღებას და დამუშავებას, მათ შორის შესაძლებელი იქნება ინფორმაციის სერვერზე პარალელურად დამუშავება (პარალელურად შესაძლებელია ექვსი პროცესის გაშვება ლიცენზიების რაოდენობის შესაბამისად), შესაძლებელი იქნება ინფორმაციის კატეგორიებად დაყოფა, კონკრეტული პერიოდის მითითება და ა.შ.“ - წერს ეკონომიკური დეპარტამენტის დირექტორის მოადგილე მინისტრის მოადგილეს.

Cellebrite არის ისრაელური კომპანია, რომელიც აწარმოებს მოწყობილობებს და ქმნის შესაბამის ლიცენზიებს, რომლებიც საგამოძიებო ორგანოებს მობილური მოწყობილობებიდან მონაცემების მოპოვებაში ეხმარება. კომპანიის დირექტორმა, ალბერტ კატსირმა, შინაგან საქმეთა სამინისტროს თანამშრომელს (რომელსაც გიორგი ჰქვია, თუმცა გვარის მხოლოდ ნაწილი ჩანს ელ.ფოსტაში - g.akhal@mia.gov.ge) 13 თებერვალს აცნობა, რომ „ნებისმიერ დროს შეიძლება აეკრძალოთ აღჭურვილობების საქართველოში გაყიდვა“ და „ურჩევს“, „თუ წელს შეძენას გეგმავენ“, „ეს რაც შეიძლება მალე გააკეთონ“.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია