შალვა პაპუაშვილის განცხადებით, პარლამენტში მომავალ კვირას „ფარას“ ამერიკული კანონპროექტის განხილვა დაიწყება. როგორც მან აღნიშნა, კანონპროექტი სიტყვა-სიტყვით ემთხვევა აშშ-ის შესაბამის კანონმდებლობას და ამასთან დაკავშირებით ყველა დაინახავს, რომ ეს მისი ზუსტი თარგმანია.

„ვინმეს თუ რაიმე პრეტენზია ექნება ტექსტის ნებისმიერ სიტყვასთან, მძიმესთან, წერტილთან – პირველ რიგში, მიმართოს ამერიკის შეერთებულ შტატებს და მეორე, გვითხრას, რა არ მოსწონს ამერიკულ სისტემაში. სიამოვნებით მოვისმენთ, ამ მხრივ რას უწუნებენ ამერიკულ სისტემას,“ – განაცხადა პაპუაშვილმა.

მისივე თქმით, „ფარას“ კანონთან დაკავშირებით კრიტიკა მანიპულაციებზეა დაფუძნებული და მასზე გავლენის მოხდენას ცდილობდნენ როგორც უცხოელი პოლიტიკოსები, დიპლომატები და ელჩები, ასევე შიდა ოპონენტებიც.

„მათ სურდათ, „გამჭვირვალობის კანონისთვის“ ძირი გამოეთხარათ და მის გარშემო აბსურდული კონსპირაციები შეექმნათ, გაევრცელებინათ დეზინფორმაცია და ცრუ ნარატივები. ახლა კი ყველას შეუძლია იხილოს ამერიკული კანონი – სიტყვა-სიტყვით იდენტური. თუ ვინმეს პრეტენზია აქვს ამერიკის შეერთებული შტატების სისტემასთან, ესეც მოგვახსენონ,“ – შალვა პაპუაშვილმა.

პაპუაშვილმა მმართველი გუნდის სხვა ინიციატივებზეც ისაუბრა, მათ შორის, „მედიის შესახებ კანონის“ პროექტზე. მისი თქმით, ეს დოკუმენტი ბრიტანული სტანდარტების მიხედვით შეიქმნება და მასში რაიმე სიახლე არ იქნება.

„აქ არაფერი ახალი არ არის. ჟურნალისტური სტანდარტები ყველასთვის ცნობილია, თუმცა დღეს ისინი მივიწყებულია. ზოგს სურს, ჟურნალისტებისგან პოლიტიკური აქტივისტები შექმნას, ნაცვლად იმისა, რომ საზოგადოებას ობიექტური ინფორმაცია მიაწოდონ. ჩვენ ამ საკითხს ზუსტად ბრიტანული სტანდარტებით მივუდგებით,“ – აღნიშნა პაპუაშვილმა.

ჟურნალისტის შეკითხვაზე, ვინ შეაფასებს მედიის მუშაობას და კონკრეტულ ჟურნალისტებს, პაპუაშვილმა აღნიშნა, რომ ტყუილ-მართლის გარჩევა რთული არ არის, თუ ადამიანს ამის სურვილი აქვს.

„დღესაც არსებობს „მაუწყებლობის შესახებ კანონი“, სადაც ეს სტანდარტებია გაწერილი. თუმცა, ისინი არ მოქმედებს, რადგან მედიას არ სურს მათი დაცვა. ყველა ვთანხმდებით, რომ ჟურნალისტური სტანდარტები არსებობს, მაგრამ თვითრეგულაცია არ მუშაობს. ასეთ ვითარებაში, სახელმწიფო ვალდებულია, შესაბამისი რეგულაციები შემოიღოს. ახალი არაფერია, უბრალოდ, ამ სტანდარტების დაცვა უნდა გავხადოთ სავალდებულო,“ – განაცხადა პაპუაშვილმა.

მისივე თქმით, ახალ კანონში გათვალისწინებული იქნება სასამართლო კონტროლი, რაც უზრუნველყოფს დემოკრატიულ სისტემას და ჟურნალისტური სტანდარტების დაცვას.

„ხვალ დავიწყებთ ამაზე მსჯელობას. ჩვენ არ ვიგონებთ ისეთ ახალ წესებს, რომელიც არ არსებობს რომელიმე სხვა ქვეყანაში. ვამბობთ, რომ ეს იქნება ბრიტანული სტანდარტი, ხოლო საბოლოო კონტროლი სასამართლოს ექნება,“ – დასძინა პაპუაშვილმა.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება