სამხრეთ ავსტრიის ქალაქ ვილახში, შაბათს, დანით თავს დაესხნენ ხალხს. გარდაიცვალა 14 წლის ბიჭი. დაშავებულია კიდევ ხუთი ადამიანი, 15-დან 39 წლამდე, რომელთაგან სამი რეანიმაციაშია, დანარჩენმა ორმა კი მსუბუქი დაზიანებები მიიღო, იუწყება Reuters.

თავდამსხმელი დაკავებულია. პოლიცია მის სახელს არ ასახელებს, მაგრამ ამბობს, რომ ის 23 წლის სირიელია, რომელმაც თავშესაფარი ავსტრიაში მოითხოვა.

ავსტრიის შინაგან საქმეთა მინისტრმა გერჰარდ კარნერმა განაცხადა, რომ თავდამსხმელი იყო დაჯგუფება ისლამური სახელმწიფოს მხარდამჭერი, რომელიც ბევრ ქვეყანაში ტერორისტულ დაჯგუფებად არის აღიარებული. კარნერის თქმით, IS-მა ის ინტერნეტის საშუალებით აიყვანა. მინისტრის თქმით, მას აქამდე პოლიციის ყურადღება არასოდეს მიუქცევია.

პოლიცია მომხდარს განიხილავს, როგორც რადიკალი ისლამისტის მიერ განხორციელებულ ტერაქტს. ავსტრიის მემარჯვენე პარტიების წარმომადგენლებმა იმიგრაციის წესების გამკაცრება მოითხოვეს.

მოძრაობა „თავისუფალმა სირიის საზოგადოება ავსტრიაში“ სოციალურ ქსელში გამოაქვეყნა განცხადება, სადაც ცალსახად გმობს თავდასხმა და სამძიმარს უცხადებს გარდაცვლილი მოზარდის ახლობლებს.

ავტორი: ექსპრესნიუსი,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა