2016-03-08 13:39:36, 593 ნახვა
საზოგადოება
ალექსი პეტრიაშვილმა საავადმყოფო დატოვა
პარტია "თავისუფალი დემოკრატების" გენერალური მდივანი ალექსი პეტრიაშვილი საავადმყოფოდან გამოწერეს. მან რესპუბლიკური საავადმყოფო ცოტა ხნის წინ დატოვა, თუმცა ჟურნალისტებთან თავდასხმის მოტივის შესახებ არ უსაუბრია. პეტრიაშვილის თქმით, ეს გამოძიებამ უნდა დაადგინოს.
ცნობისთვის, თბილისის საქალაქო სასამართლომ ალექსი პეტრიაშვილის თავდასხმაში ბრალდებულ ლევან მექვაბიშვილს აღკვეთის ღონისძიების სახით, წინასწარი პატიმრობა შეუფარდა.
მექვაბიშვილი ამ დროისათვის ერთადერთი ბრალდებულია, რომელიც შინაგან საქმეთა სამინისტრომ ალექსი პეტრიაშვილზე განხორციელებული თავდასხმის ფაქტზე დააკავა.
შეგახსენებთ, გამოძიება ჯანმრთელობის განზრახ მძიმე დაზიანების ფაქტზე, საქართველოს სსკ-ის 117-ე მუხლის მე-5 ნაწილით მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
