„ქართული ოცნების“ პარლამენტი საჯარო მოხელეების შესახებ კანონს კიდევ ერთხელ ცვლის. ინიცირებული პროექტის მიხედვით, საჯარო სამსახურებში ადმინისტრაციული ხელშეკრულებით დასაქმებულ პირებს ხელშეკრულების შეწყვეტის შესახებ ინფორმაცია სამი დღით ადრე მიეწოდებათ. ასეთ შემთხვევაში, მათ კომპენსაცია ერგებათ – 2 თვის თანამდებობრივი სარგოს ოდენობით.

ძალაში რჩება დღეს არსებული ერთ თვიანი გაფრთხილების წინასწარი ვადა, თუმცა ამ შემთხვევაში კომპენსაცია მხოლოდ ერთი თვის ოდენობით გაიცემა.

პარლამენტში ინიცირებული კანონის პროექტით ზუსტდება, რომ ადმინისტრაციული ხელშეკრულებები შეწყდება შესაბამისი დაწესებულების ხელმძღვანელის უფლებამოსილების შეწყვეტის შემდეგ, ხოლო ამ დაწესებულების ხელმძღვანელის თანამდებობაზე განწესებული პირის უფლებამოსილების დაწყებისთანავე.

აღსანიშნავია, რომ აღნიშნულ კანონში ცვლილებები გასული წლის დეკემბერში განხორციელდა, რომლის ერთ-ერთი სიახლე არის ის, რომ საჯარო დაწესებულების პირველადი სტრუქტურული ერთეულის ხელმძღვანელები და მისი მოადგილეები აღარ მიიჩნევიან საჯარო მოხელეებად.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე