აშშ-ის კონგრესმენი ჯო უილსონი მიიჩნევს, რომ სლოვაკეთი და უნგრეთი არასწორად და შეცდომაში შეყვანის შედეგად ბლოკავენ ევროკავშირის სანქციებს ბიძინა ივანიშვილის „არალეგიტიმური რეჟიმის“ წინააღმდეგ. მისი თქმით, ეს დროებითი დაბრკოლებაა და მომავალში ეს პრობლემა მოგვარდება.

„ივანიშვილის რეჟიმი ანტიდემოკრატიული და პრორუსულია. სამწუხაროა, რომ სლოვაკეთი და უნგრეთი ევროკავშირში სანქციების პროცესს ბლოკავენ, თუმცა ეს მათი შეცდომაში შეყვანის შედეგია. დარწმუნებული ვარ, ეს ცვლილება არ დააყოვნებს“, – განაცხადა უილსონმა.

კონგრესმენის თქმით, დონალდ ტრამპის დაბრუნება პოლიტიკურ ასპარეზზე ამ მიმართულებით მნიშვნელოვან ცვლილებებს მოიტანს.

„ტრამპი ყოველთვის მტკიცედ უჭერდა მხარს დემოკრატიულ ფასეულობებს და დარწმუნებული ვარ, მისი ლიდერობით ეს საკითხი გამოსწორდება. ამერიკა გააგრძელებს საქართველოს მხარდაჭერას და დემოკრატიის დასაცავად ყველა საჭირო ნაბიჯს გადადგამს“, – აღნიშნა მან.

შეგახსენებთ, რომ ევროკავშირი უკვე რამდენიმე თვეა განიხილავს საქართველოს ხელისუფლების წინააღმდეგ შესაძლო სანქციებს, რაც ბიძინა ივანიშვილთან და მის გარემოცვასთან დაკავშირებულ ფინანსურ და პოლიტიკურ შეზღუდვებს შეეხება.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე