2025-01-10 09:45:46, 439 ნახვა
მსოფლიო
ლოს -ანჯელესში ტყის ხანძრის შედეგად დაღუპულთა რიცხვი 10-მდე გაიზარდა
ტყის ხანძრის შედეგად დაღუპულთა რიცხვი ლოს -ანჯელესში 10 მდე გაიზარდა. აქამდე არსებული ცნობებით, დაღუპული იყო 5 ადამიანი.
ოლქის სამედიცინო ექსპერტიზაში აცხადებენ, რომ ამ ადამიანების ნეშტების იდენტიფიცირება ჯერ კიდევ მიმდინარეობს, რასაც შესაძლოა რამდენიმე კვირა დასჭირდეს.
ლოს-ანჯელესის პოლიციის ცნობით, დააკავეს მამაკაცი, რომელიც სავარაუდო ეჭვმიტანილია ხანძრის გაჩენაში ქალაქის ვუდლენდ ჰილზის რაიონში, თუმცა დაკავებულის ბრალეულობის დადასტურება პოლიციას ჯერ არ შეუძლია და გამოძიებას აგრძელებს.
ტყის ხანძრების შედეგად 10 000-ზე მეტი შენობა განადგურდა. ევაკუაციის განკარგულება 180 000-მდე ადამიანისთვის გაიცა, 200 000-მა კი ევაკუაციის გაფრთხილება მიიღო.
ავტორი: ექსპრესნიუსი,
epn.ge (@expressnews.ge)
