2025-01-08 15:13:00, 401 ნახვა
პოლიტიკა
სალომე სამადაშვილი - ივანიშვილს ამ გზავნილებს საკუთარი რუსი პატრონები უწერენ
ეს ძალიან სამარცხვინო ოპუსი, რომელიც, რა თქმა უნდა, თბილისში არ დაწერილა და ბიძინა ივანიშვილს ამ გზავნილებს საკუთარი რუსი პატრონები და იდეოლოგები უწერენ - ასე გამოეხმაურა ქართული ოცნების პოლიტსაბჭოს განცხადებას კოალიცია ძლიერი საქართველოს ერთ-ერთი ლიდერი, სალომე სამადაშვილი.
მისივე თქმით, ეს არის ის, რომ ამ რეჟიმმა საბოლოოდ ჩაიქნია ხელი იმაზე, რომ მათ საერთაშორისო, რაიმე სახის აღიარებასა და ლეგიტიმაციას მიანიჭებენ
,,ივანიშვილმა ძალიან კარგად იცის, რომ არც ტრამპის ადმინისტრაციის ფუნქციონირების დაწყების შემდეგ არაფერი შეიცვლება და რეალურად, გამკაცრდება როგორც არაღიარების რეჟიმი, ასევე მათზე ზეწოლის მექანიზმები. ეს მცდელობაა, რომ ქართველი ხალხი მორიგ ჯერზე მოატყუონ '' - განაცხადა სალომე სამადაშვილმა.
ავტორი: ექსპრესნიუსი,
epn.ge (@expressnews.ge)
