2024-12-16 10:59:51, 521 ნახვა
მსოფლიო
მაიოტაში ციკლონს ასობით ადამიანი ემსხვერპლა
საფრანგეთის ზღვისიქითა ტერიტორიას, ინდოეთის ოკეანეში მდებარე არქიპელაგ მაიოტას ძლიერი ციკლონი „ჩიდო“ თავს დაატყდა, რის შედეგადაც რამდენიმე ასეული ადამიანი და შესაძლოა, ათასობითაც კი დაიღუპა. ამის შესახებ ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.
საფრანგეთის შინაგან საქმეთა სამინისტროს ცნობით, ამ დროისთვის ყველა მსხვერპლის აღრიცხვა რთულია და შესაბამისად, ამ ეტაპზე, დაღუპულებისა და დაშავებულების რაოდენობის დადგენა შეუძლებელია.
ციკლონმა „ჩიდომ“ მაიოტას ღამით დაარტყა. „მეტეო-ფრანსის“ მონაცემებით, ქარის სიჩქარემ 200 კმ/სთ-ს გადააჭარბა. დაზიანდა საცხოვრებელი, სამთავრობო შენობები და საავადმყოფო. სინოპტიკოსების შეფასებით, კუნძულებს ასეთი ძლიერი ქარიშხალი 90 წელზე მეტი ხნის განმავლობაში არ დასტყდომია თავს.
ავტორი: ექსპრესნიუსი,
epn.ge (@expressnews.ge)
