მსუბუქი თავის ტვინის შერყევა აქვთ - მოვათავსებთ ნევროლოგიურ დეპარტამენტში,- ამის შესახებ ინგოროყვას კლინიკის ექიმმა „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულზე საუბრისას განაცხადა.

როგორც ექიმმა მედიის წარმომადგენლებთან საუბრისას აღნიშნა, მათ სიცოცხლეს საფრთხე არ ემუქრება. 

„დღეს ჩვენთან სულ აქციიდან შემოყვანილ იქნა 10 პაციენტი. 10-ვე პაციენტს ჩაუტარდა შესაბამისი გამოკვლევები, მაღალტექნოლოგიური კვლევები. 10 პაციენტიდან 3 პაციენტი გაეწერა ბინაზე, ამბულატორიული მეთვალყურეობის ქვეშ. ამ ეტაპზე ჩვენთან არის 7 პაციენტი.

მედიის წარმომადგენლებს ჩაუტარდათ მაღალტექნოლოგიური კვლევები. მათ სიცოცხლეს საფრთხე არ ემუქრება. ყველა სპეციალისტმა გასინჯა. მსუბუქი თავის ტვინის შერყევა აქვთ. ვნახოთ, დანარჩენი კვლევებიც დასრულდება და მოგახსენებთ ხვალ დილით. სიცოცხლისთვის შეუთავსებელი დაზიანებები არ აქვთ. ძირითადად სახის, თავისა და მუხლის არეში აქვთ დაზინებები. [მაკა ჩიხლაძის] თვალი დაზიანებული არ არის ამ ეტაპზე. ყველა სპეციალისტის მეთვალყურეობის ქვეშ არიან პაციენტები და ვნახოთ. სტაციონალიზაციაა საჭირო, მოთავსდებიან ახლა ეს პაციენტები. ტომოგრაფიაც გადავიღეთ, ნახა ნეიროქირურგმა და მოვათავსებთ ნევროლოგიურ დეპარტამენტში“,- განაცხადა ექიმმა.

შეგახსენებთ, დღეს, 8 დეკემბერს თბილისში, ბესიკის ქუჩაზე „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულზე თავდასხმა განხორციელდა. ორივე მათგანი მძიმე დაზიანებებით ინგოროყვას კლინიკაშია გადაყვანილი.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს