როგორ მოვიპოვოთ „საქართველოს ბანკის“ სტიპენდია CHEVENING-ის პროგრამაზე - ამ თემაზე პროგრამის სტიპენდიატები ონლაინ შეხვედრას გამართავენ

2024-10-15 15:26:38, 396 ნახვა

საზოგადოება

დიდი ბრიტანეთის წამყვან უნივერსიტეტებში სწავლით დაინტერესებული ახალგაზრდებისთვის, "საქართველოს ბანკი" ონლაინ შეხვედრას მართავს.

დისკუსიის ფარგლებში, "საქართველოს ბანკის" სტიპენდიატები CHEVENING-ის პროგრამაში "საქართველოს ბანკის" 100%-იანი სტიპენდიის მოპოვების შესაძლებლობებზე ისაუბრებენ, ამასთან, მონაწილეებს საზღვარგარეთ სწავლასთან დაკავშირებული გამოწვევებისა და მათთან გამკლავების გზების შესახებ რჩევებს გაუზიარებენ.

შეხვედრა 16 ოქტომბერს, 20:00 საათზე, ზუმის ფორმატში გაიმართება.

დასასწრებად უნდა გაიაროთ რეგისტრაცია ბმულზე.

შეხვედრის პანელისტები იქნებიან "საქართველოს ბანკის" სტიპენდიატები:

ნანა გელაშვილი, University Of Leeds
ლევან თევდორაძე, King's College London
მარიამ მაჭარაშვილი, University Of Exeter

ინფორმაციისთვის, CHEVENING-ი დიდი ბრიტანეთის მთავრობის გლობალური სასტიპენდიო პროგრამაა, რომელიც 1983 წლიდან დღემდე 118 ქვეყნის სტუდენტებს დიდ ბრიტანეთში ერთწლიან სამაგისტრო საფეხურზე სწავლის შესაძლებლობას სთავაზობს. "საქართველოს ბანკის" სტიპენდიატებს სასურველ უნივერსიტეტში სწავლის საფასურის გარდა, მგზავრობის, ცხოვრებისა და ვიზის ხარჯებიც უფინანსდებათ.

ინფორმაციისთვის, აღნიშნულ პროექტს სიცოცხლის ხის ფონდი ახორციელებს "საქართველოს ბანკის" მხარდაჭერით. ფონდი 2008 წელს დაარსდა და დღემდე ისეთი სოციალურად მნიშვნელოვანი პროექტების მიმართულებით მუშაობს, როგორიცაა განათლება, გარემოს დაცვა და შშმ პირების მხარდაჭერა.

"საქართველოს ბანკის" მიერ კორპორაციული სოციალური პასუხისმგებლობის ფარგლებში განხორციელებული პროექტების შესახებ უფრო მეტი ინფორმაციის მისაღებად შეგიძლიათ ეწვიოთ ვებგვერდს: csr.bog.ge