საქართველოს შეიარაღებულ ძალებში თავისუფალ ჭიდაობაში პირად-გუნდური პირველობა გაიმართა.

თავდაცვის სამინისტროს ინფორმაციით, ერთმანეთს  საქართველოს შეიარაღებული ძალების სხვადასხვა ქვედანაყოფების წარმომადგენლები შეეჯიბრნენ.

შვიდ  წონით კატეგორიაში გამართულ ასპარეზობაში 35 სამხედრო მოსამსახურე მონაწილეობდა.  ტურნირი თავისუფალ ჭიდაობაში  საერთაშორისო წესების სრული დაცვით მიმდინარეობდა. ასპარეზობას საერთაშორისო კატეგორიის მსაჯები აკვირდებოდნენ.

გამარჯვებულები თითოეულ წონით კატეგორიაში სამ-სამ საპრიზო ადგილზე გადანაწილდნენ. ოქროს მედლები მოიპოვეს: უჩა სადუნაშვილმა, ვალერი კალაძემ, დავით ხუციშვილმა, რევაზ ჯანელიძემ, გიორგი ქენქაძემ, დავით ჯაოშვილმა და გურამ გრიგოლიამ. ვერცხლის მედლები -  შოთა ორთოიძემ, გიორგი მურადაშვილმა, ბონდო კიკაძემ, შოთა ბენიძემ, გიორგი მოდებაძემ, გოჩა ბალაძემ და ზვიად გედენიძემ. ხოლო, ბრინჯაოს მედლებით დაჯილდოვდნენ: ვაჟა ქაროსანიძე, ბექა ბადაშვილი, ლევან მესხი, ლევან გორგოძე, თეიმურაზ რუსტამოვი, ზვიად კომახიძე, ივანე მჭედლიშვილი, თორნიკე ჩიხლაძე, თემურ  ბეგიაშვილი, დიტო მურადაშვილი და თემურ გოგუა.

გუნდური პირველობა IV მექანიზირებული ბრიგადის გუნდმა აიღო და, შესაბამისად, სპეციალური თასით დაჯილდოვდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას