"ძლიერი საქართველოს" ლიდერი მამუკა ხაზარაძე პარტია "საქართველოსთვის" ლიდერის, გიორგი გახარიას შეთავაზებას მოლაპარაკებების გაგრძელების თაობაზე უარით პასუხობს.

როგორც ხაზარაძემ აღნიშნა, გახარიამ "დასვა წერტილი და შემოგვთავაზა ისეთი ფორმულირება, ისეთი რამ, რაც არა თუ ჯანსაღ გონებაში ეტევა, არამედ მგონია, რომ ეს რაღაც სპეცოპერაციას ჰგავს".

"ზუსტად 9 პუნქტი იქნა ჩამოყალიბებული და ინტენსიური მოლაპარაკების შედეგად, გუშინწინ ჩვენ ამ პუნქტებზე შევთანხმდით პრაგმატული მოსაზრებიდან გამომდინარე. დროის სიმცირის, ინფრასტრუქტურის გათვალისწინებით და იმის გათვალისწინებით, რომ დღეს დრო დასაკარგი არ არის...ამ მოცემულობიდან დავეთანხმეთ ჩვენ, აგვეღო ბაზად ნომერი 9 , შევთანხმდით, რომ ყოფილიყო პარიტეტული მმართველობა, თანასწორუფლებიანი წარმომადგენლობა სიაში. პირველი ნომერი დაგვეთმო ცნობილი, არაპარტიული ადამიანისთვის და იყო რამდენიმე სახელი დასახელებული...

მან დასვა წერტილი და შემოგვთავაზა ისეთი ფორმულირება, ისეთი რამ, რაც არა თუ ჯანსაღ გონებაში ეტევა, არამედ მგონია, რომ ეს რაღაც სპეცოპერაციას ჰგავს. მეტ განმარტებას არ გავაკეთებ. ეს იყო პრაქტიკულად დანგრევა იმისა, რასაც აქამდე ვაშენებდით. აქედან გამომდინარე ჩვენ ამით ყველაფერი ვთქვით - აქ ვართ, დღესაც მზად ვართ ხელი მოვაწეროთ იმ შეთანხმებას, რაც პრეზიდენტთან იქნა შეთანხმებული, მაგრამ თუ ეს არ მოხდება, ხვალ დილიდან ჩვენ ვაგრძელებთ ჩვენს კამპანიას", - განაცხადა ხაზარაძემ.

შეგახსენებთ, პარტია "საქართველოსთვის" ლიდერი გიორგი გახარია კოალიციასთან - "ძლიერი საქართველო" მოლაპარაკებების განახლებისთვის საჭირო სამ პრინციპს ასახელებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს