2016-02-22 15:53:02, 533 ნახვა
პოლიტიკა
გიორგი კვირიკაშვილის ოფიციალური ვიზიტი ჩეხეთის რესპუბლიკაში დაიწყო
საქართველოს პრემიერ-მინისტრის გიორგი კვირიკაშვილის ორ დღიანი ოფიციალური ვიზიტი ჩეხეთის რესპუბლიკაში დაიწყო.
მთავრობის ადმინისტრაციაში დახვედრის ოფიციალური ცერემონიალი გაიმართა.
ცერემონიის დასრულებისთანავე საქართველოს მთავრობის მეთაური გიორგი კვირიკაშვილი ჩეხ კოლეგას ბუხუსლავ სობოტკას პირისპირ შეხვდება, რის შემდეგაც შეხვედრა გაფართოებულ ფორმატში გაგრძელდება, რომელსაც საქართველოსა და ჩეხეთის მინისტრთა კაბინეტის წევრები დაესწრებიან. მოლაპარაკებების დასრულების შემდეგ კი საქართველოს პრემიერ-მინისტრი და ჩეხეთის რესპუბლიკის მთავრობის მეთაური მედიისთვის ერთობლივ განცხადებას გააკეთებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
