2024-08-02 12:34:47, 1102 ნახვა
სპორტი
სოფიო სომხიშვილი ოლიმპიადის მერვედფინალშია
საქართველოს ქალ ძიუდოისტთა ნაკრების წარმომადგენელმა, სოფიო სომხიშვილმა (+78 კგ) პარიზის ოლიმპიური თამაშები წარმატებით დაიწყო.
ქართველმა ძიუდოისტმა პირველ შეხვედრაში გერმანელი მეტოქე რენე ლუხტი იპონით დაამარცხა და მერვედფინალის საგზური მოიპოვა.
ცნობისთვის, საქართველოს ამ დროისათვის 3 მედალი აქვს. ძიუდოისტებმა ტატო გრიგალაშვილმა და ილია სულამანიძემ ვერცხლის მედლები მოიპოვეს, ლაშა ბექაური კი ძიუდოში ორგზის ოლიმპიური ჩემპიონი გახდა.
ავტორი: ექსპრესნიუსი,
epn.ge (@expressnews.ge)
