გერმანიის ისტორიიდან გამომდინარე, ჩვენ უნდა ვიყოთ უკრაინის მხარეს,- ამის შესახებ გერმანიის კანცლერმა, ოლაფ შოლცმა ადოლფ ჰიტლერის წარუმატებელი მკვლელობის მცდელობის 80-წლისთავთან დაკავშირებით სიტყვით გამოსვლისას განაცხადა.

როგორც კანცლერმა აღნიშნა, უკრაინის მხარდაჭერა გერმანიის ისტორიული პასუხისმგებლობაა.

"ჩვენი ისტორიიდან გამომდინარე, გერმანიისთვის შეიძლება იყოს მხოლოდ ერთი ადგილი ამ სიტუაციაში - უკრაინის მხარეზე. 2024 წელს ჩვენ არ შეგვიძლია აღვნიშნოთ 20 ივლისი უკრაინის მამაც მოქალაქეებზე ფიქრის გარეშე, რომლებიც ორ წელზე მეტია, წინააღმდეგობას უწევენ რუსეთის კრიმინალურ, აგრესიულ ომს",- განაცხადა შოლცმა.

მან გერმანიის მოქალაქეებს დემოკრატიის დასაცავად სიფხიზლისკენ მოუწოდა.

"დემოკრატია დამოკიდებულია მოქალაქეების მონაწილეობაზე, ერთმანეთის პატივისცემით მოპყრობასა და ყველა სახის მიზანთროპიისა და ექსტრემიზმისთვის წინააღმდეგობის გაწევაზე. ვინც იბრძვის ჩვენი დემოკრატიის წინააღმდეგ, ყოველთვის შეხვდება ჩვენს მტკიცე წინააღმდეგობას",- თქვა კანცლერმა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს