ე.წ. ბასლაინზე მოტოციკლებისა და მოპედების გადაადგილებას პარლამენტმა მესამე მოსმენით მხარი დაუჭირა

2024-07-19 15:43:44, 552 ნახვა

საზოგადოება

პარლამენტმა საქართველოს ორგანულ კანონში “ადგილობრივი თვითმმართველობის კოდექსი" ცვლილება მესამე მოსმენით მიიღო.

როგორც მომხსენებელმა, საპარლამენტო უმრავლესობის წევრმა, არჩილ გორდულაძემ განაცხადა, საკანონმდებლო ცვლილებით, თბილისის მუნიციპალიტეტს ემატება უფლებამოსილება, განსაზღვროს, რომ სამარშრუტო სატრანსპორტო საშუალების მოძრაობისთვის განკუთვნილ ზოლში გადაადგილების უფლება, მუნიციპალიტეტის წარმომადგენლობითი ორგანოს მიერ შესაბამისი კატეგორიის მსუბუქ ავტომობილებთან – ტაქსებთან (M1 კატეგორია) ერთად, მოტოციკლს ან/და მოპედს მიანიჭოს.

მისივე თქმით, აღნიშნული ცვლილება, რომელიც პარლამენტმა კანონპროექტთა პაკეტის 77 ხმით მიიღო - სატრანსპორტო უსაფრთხოების გაუმჯობესებას, ავტოავარიების შემთხვევებისა და შესაბამისად, დაზარალებულთა რაოდენობის შემცირებას შეუწყობს ხელს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,