გლდანის ა მიკრორაიონში, N55-58 კორპუსებთან სკვერის მოწყობა მიმდინარეობს

2024-07-12 12:34:20, 497 ნახვა

საზოგადოება

გლდანის ა მიკრორაიონში, N55-58 კორპუსებთან სკვერის რეაბილიტაცია აქტიურად მიმდინარეობს. ამის შესახებ ინფორმაციას გლდანის რაიონის გამგეობა ავრცელებს.

გამგეობის ცნობით, სამუშაოების ფარგლებში, 12 000 კვადრატულ მეტრამდე ფართობზე რეკრეაციული სივრცე ეწყობა.

“ტერიტორიაზე განთავსდება ბავშვთა გასართობი და მოსასვენებელი ზონები, მოეწყობა გარე განათებისა და სარწყავი სისტემები, დაიდგმება ჩოგბურთის მაგიდები. მნიშვნელოვანი ნაწილი გამწვანებას დაეთმობა, დაირგვება სხვადასხვა სახეობის ხე-მცენარე. ასევე, განთავსდება სკვერისთვის საჭირო სხვა ინფრასტრუქტურა.

სამუშაოებისთვის გამგეობის ბიუჯეტიდან 1 647 417 ლარია გათვალისწინებული. სამუშაოების მიმდინარეობას გლდანის რაიონის გამგებლის მოვალეობის შემსრულებელი ბესიკ კალაძე გაეცნო“,- ნათქვამია ინფორმაციაში

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),