ინდონეზიის კუნძულ სულავესზე მდებარე ოქროს მაღაროში რამდენიმედღიანი კოკისპირული წვიმის შედეგად მეწყერი ჩამოწვა, რასაც სულ მცირე, 12 ადამიანი ემსხვერპლა. ამის შესახებ ინფორმაციას Reuters-ი ავრცელებს.

სააგენტოს ცნობით, 18 პირი ამ დროისთვის უგზო-უკვლოდ დაკარგულად მიიჩნევა.

როგორც Reuters-ი ადგილობრივ სამაშველო სააგენტოს წარმომადგენელზე დაყრდნობით წერს, სუვავას რაიონში, გორონტალოს პროვინციაში მომხდარ სტიქიას ამ ეტაპზე 5 გადარჩენილი ჰყავს, რომელთა ევაკუაციაც უკვე განხორციელდა.

"დაკარგულთა მოსაძებნად ჩვენ გამოვიყვანეთ 164-კაციანი ჯგუფი, რომელიც შედგება ეროვნული სამაშველო ჯგუფის წევრების, პოლიციისა და სამხედრო პერსონალისგან... ჩვენ შევეცდებით, გამოვიყენოთ ექსკავატორი, როდესაც ეს შესაძლებელი იქნება",- განაცხადა სამაშველო სააგენტოს წარმომადგენელმა. 

ინდონეზიის კატასტროფების სააგენტოს (BNPB) ცნობით, მეწყერმა რამდენიმე სახლი და ერთი ხიდი დააზიანა.

BNPB-მა ასევე გააფრთხილა მოსახლეობა, რომ მომდევნო 2 დღის განმავლობაში გორონტალოს პროვინციის ზოგიერთ რაიონში კვლავ წვიმაა მოსალოდნელი და მათ სიფრთხილის გამოჩენისკენ მოუწოდა.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება