2024-06-10 11:43:37, 423 ნახვა
პოლიტიკა
საელჩო - ბრიტანეთი ოკუპირებულ ცხინვალში ჩატარებულ ე.წ. არჩევნების ლეგიტიმურობას არ აღიარებს
დიდი ბრიტანეთის საელჩო სოციალურ ქსელ X-ზე ოკუპირებულ ცხინვალში ე.წ. არჩევნების ჩატარებას ეხმაურება.
როგორც საელჩოს განცხადებაშია აღნიშნული, ბრიტანეთი „არჩევნების" ლეგიტიმურობას არ აღიარებს.
„დიდი ბრიტანეთი არ აღიარებს, საქართველოს რეგიონში, „სამხრეთ ოსეთში", 2024 წლის 9 ივნისს ჩატარებულ ე.წ. საპარლამენტო არჩევნების ლეგიტიმურობას.
ჩვენ მტკიცედ განვაგრძობთ საქართველოს ტერიტორიული მთლიანობის და სუვერენიტეტის მხარდაჭერას, საერთაშორისოდ აღიარებული საზღვრების ფარგლებში“, - წერს საელჩო.
შეგახსენებთ, გუშინ, 9 ივნისს ოკუპირებული ცხინვალის დე ფაქტო მთავრობამ ე.წ. საპარლამენტო არჩევნები ჩაატარა.
ავტორი: ექსპრესნიუსი,
epn.ge (@expressnews.ge)
