2024-05-28 10:18:42, 424 ნახვა

---

როთი - საქართველოს პარლამენტის ძვირფასო კოლეგებო, ისარგებლეთ დღევანდელი შანსით - დააბრუნეთ თქვენი დიდებული ქვეყანა სწორ გზაზე

საქართველოს პარლამენტის ძვირფასო კოლეგებო, ისარგებლეთ დღევანდელი შანსით! დააბრუნეთ თქვენი დიდებული ქვეყანა სწორ გზაზე,- ამის შესახებ გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაილ როთი სოციალურ ქსელში წერს.

როთის განცხადებით, საქართველოს მომავალი ევროკავშირშია.

"ჩვენთვის, პოლიტიკოსებისთვის, ძალიან მნიშვნელოვანია, ყურადღებით მოვუსმინოთ ჩვენს ხალხს. ქართველი ხალხის მესიჯი კრისტალურად ნათელია: შეაჩერეთ "უცხოური აგენტების შესახებ" კანონი! საქართველოს პარლამენტის ძვირფასო კოლეგებო, ისარგებლეთ დღევანდელი შანსით! დააბრუნეთ თქვენი დიდებული ქვეყანა სწორ გზაზე. საქართველოს მომავალი ევროკავშირი!" - წერს როთი X-ზე.

შეგახსენებთ, დღეს, 28 მაისს პარლამენტი "უცხოური გავლენის გამჭვირვალობის შესახებ" კანონთან დაკავშირებით პრეზიდენტის მოტივირებულ შენიშვნებს განიხილავს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი