უხვი ნალექის შედეგად ქვემო ქართლის 15-ზე მეტი სოფელი მოწყვეტილია გარესამყაროს, განაცხადა რეგიონის სახელმწიფო რწმუნებულმა გიორგი დოხტურაშვილმა. გავრცელებული ინფორმაციით, პრევენციული მიზნით მოსახლეობის ევაკუაცია 26 მაისის ღამეს დაიწყო.

„მთელი ღამის განმავლობაში ძლიერად წვიმდა. განსაკუთრებით მძიმე შედეგები შეინიშნება მარნეულის, თეთრიწყაროს, ბოლნისისა და დმანისის მუნიციპალიტეტებში. 15-ზე მეტი სოფელი მოწყვეტილია გარესამყაროს. დანგრეულია ხიდები, სამაშველო სამსახური მუშაობს 24 საათის განმავლობაში. ასევე საჭირო იყო დამატებითი ძალების მობილიზება სხვადასხვა რეგიონებიდან. ძალიან აქტიურად არის ჩართული შინაგან საქმეთა სამინისტრო. პრევენციული მიზნით, წყალდიდობის შედეგად დაზარალებულ რაიონებში მოსახლეობის ევაკუაცია ღამით დაიწყო. გარდა ამისა, მარნეულის მუნიციპალიტეტში 15-ზე მეტი ოჯახი სახლებიდან გაიყვანეს“, - განაცხადა დოხტურიშვილმა.

მან აღნიშნა, რომ ამ დროისთვის პრევენციული ღონისძიებები ტარდება. როდესაც წყლის ნაკადი შემცირდება, ისინი დაიწყებენ მუშაობას სამაშველო სამსახურის თანამშრომლებთან ერთად იმ კერძო სახლებში, რომლებიც დატბორილია.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე